Makina përplaset me kamionin në aksin Lezhë- Milot, një i vdekur dhe tre të plagosur

Aksident me pasojë një person të vdekur dhe tre të tjerë të plagosur është regjistruar mesditën e kësaj të hëne në Lezhë.

Ngjarja ka ndodhur rreth orës 12:30, në aksin rrugor “Lezhë-Milot”, ku janë përplasur automjeti tip “Volkswagen”, me drejtues shtetasin Zija Cuifaj, rreth 70 vjeç, me kamionin me drejtues shtetasin K. J.

Nga përplasja janë dëmtuar shtetasi Zija Cufaj dhe 3 pasagjerët në automjetin që drejtonte ai.

Njëri nga pasagjerët, shtetasi Isa Docaj, 80 vjeç, ka humbur jetën gjatë transportimit në spital, ndërsa 3 të dëmtuarit e tjerë janë në kujdesin e mjekëve.

Grupi i posaçëm hetimor po punon në vendngjarje për të zbardhur rrethanat e aksidentit.