Sandër Deda, një 35-vjeçar i burgosur në burgun e Reçit, ka humbur jetën duke u vetëvarur në qelinë e tij.
Sipas korrespondentes së MCN nga Shkodra, punonjësit e burgut e kanë vënë re menjëherë ngjarjen dhe kanë transportuar 35-vjeçarin për në spitalin e Shkodrës.
Megjithatë, ai ka ndërruar jetë gjatë kohës që ishte në urgjencë.
Sipas ekipit mjekësor të burgut, Sandër Deda ka pasur histori të problemeve të çrregullimeve mendore dhe është trajtuar për këtë arsye.
Ende nuk janë dhënë detaje të tjera rreth shkakut të saktë të vetëvrasjes, ndërkohë që po vazhdojnë hetimet për zbardhjen e rrethanave të ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
