Rreth orës 18:20, Salla Operative e Komisariatit të Policisë Mat është njoftuar për një ngjarje në liqenin e Ulzës, ku dyshohet se shtetasi A. Z., 37 vjeç, banues në Laç, ka humbur jetën.
Sipas informacioneve paraprake, dyshohet se 37-vjeçari, teksa drejtonte një mjet lundrues, ka humbur kontrollin dhe ka rënë në ujë. Më pas, në tentativë për të rimarrë mjetin, dyshohet se është mbytur.
Menjëherë pas njoftimit, në vendngjarje janë nisur polumbarët e RENEA-s për kërkimin e trupit të 37-vjeçarit.
Ndërkohë, shërbimet e Komisariatit të Policisë Mat, së bashku me grupin hetimor, po kryejnë veprimet në terren për të sqaruar plotësisht rrethanat e ngjarjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
