Ka zgjatur vetëm pak orë liria e përfituar nga amnistia për Adrian Isufin, i cili u vu në prangat e policisë pasi vodhi në të njëjtën ditë pasi u lirua nga qelitë e burgut.
Ditën e sotme Gjykata e Korçës ka dhënë masën e sigurisë për të duke caktuar “arrest me burg”, çka bën që Isufi të rikthehet sërish në qeli.
Adrian Isufi ishte i dënuar për vjedhje automjetesh edhe më herët dhe ka qenë po një automjet i parkuar në një lagje të Korçës që Isufi ka vjedhur pasi ka lënë qelitë e burgut të Drenovës. Isufi u arrestua pak orë më vonë pasi kreu vjedhjen e automjetit në një nga fugonat e linjës Korçë-Tiranë, i cili kërkonte të arratisej drejt kryeqytetit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
