Një vatër zjarri është përhapur në lagjen “Uznovë” në Berat, ku si pasojë janë përfshirë nga flakët ish Plantacionet me fiq dhe ullinj. 35 efektivë të Repartit të Poshnjes, me mjete janë angazhuar në aksionin për shuarjen e zjarrit në Uznovë.
Për shkak të shtrirjes së vatrës, flakët kanë prekur edhe një sipërfaqe toke bujqësore në fshatin Mimias, njësia administrative Roshnik, ka bërë të ditur ministri i Mbrojtjes, Niko Peleshi.
Në këtë aksion janë të angazhuar punonjës të zjarrfikëses së Beratit, Kuçovës, Dimalit, Poliçanit e Skraparit, forca të Policisë së Beratit dhe 16 forca të Shërbimit Pyjor, të cilët po punojnë në grupe për të izoluar vatrat e përhapura në këtë territor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
