Policia e Tiranës njofton se ka parandaluar një akt vetëflijimi sot përpara Kuvendit të Shqipërisë teksa mbahej seanca plenare.
Sipas Policisë një 32-vjecar me iniciale F.H ka tentuar të djegë veten me benzinë.
Mësohet se shtetasi Fatjon Hoxha ka qëndruar i vetëm në sheshpushimin përpara Kuvendit dhe në dorë kishte një shishe me benzinë.
Njoftimi i Policisë:
Rreth orës 14:00, shtetasi F. H. ka qëndruar i vetëm, në sheshpushimin para Kuvendit të Republikës së Shqipërisë dhe me vete mbante një shishe plastike e dyshuar me lëndë djegëse benzinë, me të cilën ka sperkatur të gjithë trupin. Më pas nxorri çakmakun për ti vendosur flakën vetes.
Ka qënë ndërhyrja e menjëhershme e punonjësve të Patrullave të Përgjithshme, duke shmangur zjarrvënien dhe duke neutralizuar veprimet e mëtejshme të këtij shtetasi.
Shtetasi F. H. është shoqëruar në ambjentet e Komisariatit të Policisë Nr 1 Tiranë, për sqarimin e rrethanave në lidhje me këtë incident.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
