Ndërsa shqiptarëve iu ka dalë shpesh nami si hajdutë në vendet fqinje ku emigrojnë, kësaj radhe kanë rënë viktimë e vjedhjes në vendin ku po kalonin pushimet.
Më konkretisht tre shqiptarë me pushime disa ditore në Mikonos të Greqisë, kanë rënë pre e një vjedhje, duke pësuar një dëm prej afro 45 mijë euro.
Ata kishin rezervuar një suitë në një hotel luksoz në zonën e Plindrit kur në orët e para të mëngjesit të 24 korrikut, persona të panjohur hynë në dhomën e tyre nga dera e ballkonit.
Turistes së parë shqiptare, sipas denoncimit të bërë në polici, i kanë marrë argjendari floriri me vlerë totale 17100 euro, pasaportën dhe patentën.
Të motrës i janë marrë sende dhe bizhuteri me vlerë 18400 euro, si dhe pasaporta.
Autorët i kanë rrëmbyer të dashurit të kësaj të fundit sende dhe bizhuteri me vlerë 10 mijë euro si dhe pasaportën.
Protothema e cila raporton edhe lajmin, ngre si shqetësim se shpesh pasaportat e marra nga hajdutët nga turistët përfundojnë në tregun e zi, të blera nga rrjetet e kontrabandës së emigrantëve dhe u rishiten emigrantëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
