Zetori del nga rruga, humb jetën drejtuesi 71-vjeçar në Dushk të Lushnjës

Një aksident ka ndodhur në orët e para të mëngjesit në fshatin Dushk të Lushnjës. 

71 vjeçari Hekuran Xhelo, ishte duke lëvizur me mjetin bujqësor tip zetor me rimorkio për të shkuar të punonte në tokat e tij. 

Në një pjesë të rrugën në dishezë, Xhelo  ka humbur kontrollin mbi mjetin bujqësor dhe ka përfunduar në kanalin përbri rrugës. Hekurani ka qenë i vetëm në mjetin bujqësor dhe përmbysja i ka shkaktuar vdekjen e menjëhershme.

Grupi hetimor në vendngjarje po kryen dokumentimin e ngjarjes së rëndë dhe do të përcaktojë shkaqet që sollën aksidentin fatal.

 Trupi i të ndjerit është përcjellë në morgun e spitalit të Lushnjës ku do të kryhet ekzaminimi mjeko ligjor. 

Rruga në të cilën ka humbur kontrollin mbi mjetin bujqësor është rrugë bujqësore e shtruar me çakull, çka dyshohet se mund të ketë sjellë daljen nga rruga për shkak të shpejtësisë.