Ditën e sotme, policia e Shkodrës ka bërë të mundur parandalimin e një vrasjeje në fshatin Ndreaj. Në lidhje me këtë ngjarje policia ka shpallur në kërkim një 31-vjeçar.
Policia e Shkodrës ka bërë të ditur se ngjarja ka ndodhur rreth orës 20:30 të së premtes, ku janë konfliktuar për motive të dobëta shtetasi me inicialet M. K., dhe Tom Papçi, 31 vjeç.
Në vendin e ngjarjes ka mbërritur policia, e cila ka parandaluar agravimin e këtij konflikti. Sipas policisë, në vend u gjet dhe u sekuestrua në cilësinë e provës materiale edhe arma e Papçit.
Fatmirësisht nuk ka pasur të lënduar. Si pasojë, ndaj 31-vjeçarit rëndon akuza e “Kanosjes” dhe “Armëmbajtjes pa leje”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
