Banorët e zonës së Rrjollit kanë bllokuar rrugën Shëngjin-Velipojë në shenjë proteste kundër punimeve që pritet të nisin për ndërtimin e një resorti në zonë.
Sipas informacioneve, banorët kanë ndaluar automjetet që po kryenin gërmime në territorin ku është parashikuar ndërtimi i resortit.
Në protestë janë përfshirë burra dhe gra, të cilët kanë refuzuar të largohen nga zona.
Banorët kërkojnë që autoritetet dhe përfaqësuesit e kompanisë ndërtuese t’u paraqesin lejen e zbardhur të ndërtimit, duke theksuar se, sipas tyre, kjo leje nuk u është bërë e ditur më parë.
Për shkak të rezistencës së protestuesve dhe bllokimit të rrugës, Policia ka ndërhyrë duke shoqëruar katër banorë për veprime të mëtejshme procedurale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
