Përkeqësim i motit/ DPD apel subjekteve: Rrisni gatishmërinë e ekuipazhit në mjetet lundruese

 Drejtoria e Përgjithshme Detare njoftoi sot se “duke filluar nga sot deri ditën e mërkurën në mesnatë, moti do të përkeqësohet”.

Në njoftimin për mediet, DPD thekson se “bregdeti ynë do të përfshihet nga era me drejtim jug -jugperëndim me shpejtësi deri në 30 milje/orë dhe lartësia e dallgës mbi 3 m”.

Drejtoria e Përgjithshme Detare u bën apel subjekteve që të marrin masat e nevojshme.

“Me qëllim parandalimin e çdo situate të papritur për shkak të kushteve atmosferike kërkojmë bashkëpunimin e të gjithë subjekteve që ushtrojnë veprimtari në fushën e detarisë, për të marrë të gjitha masat e nevojshme për sigurimin e mjeteve në port dhe rritje e gatishmërisë së ekuipazhit në mjetet lundruese”, apelon DPD.