Goditet një rast i shitjes së lëndëve narkotike në Tiranë, duke vënë në pranga një person dhe blerësin e tij, i cili kishte thyer masën e sigurisë “Arrest në shtëpi”, për veprën penale “Prodhimi dhe shitja e narkotikëve”.
Gjatë operacionit të koduar “Check point”, në rrugën “Anton Lufi”, shërbimet e policisë kapën në flagrancë shtetasin A. A., duke i shitur një sasi lëndë të dyshuar narkotike kokaine, shtetasit S. Xh.
Nga verifikimet rezultoi se shtetasi S. Xh., kishte thyer masën e sigurisë “Arrest në shtëpi”, për veprën penale “Prodhimi dhe shitja e narkotikëve”.
Gjatë kontrollit fizik ndaj shtetasit A. A., dhe kontrollit në banesën e tij, efektivët e policisë gjetën sasi të lëndës së dyshuar narkotike kokainë, një shumë parash të dyshuar të përfituar nga shitja e dozave, një peshore elektronike dhe sende të kundërligjshme.
Në përfundim të veprimeve procedurale për rastin, u arrestuan shtetasit A. A., 29 vjeç dhe S. Xh., 29 vjeç, të dy banues në Tiranë.
Në ngarkim të të ndaluarve materialet iu referuan Prokurorisë Tiranë për ndjekje të mëtejshme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
