Një 27-vjeçar i arrestuar për vjedhje me dhunë u gjet i vdekur sot në dhomat e paraburgimit në Komisariatin e Policisë Korçë.
Enea Ftoj, banues në Korçë, ishte ndaluar në datë 14.05.2018, për veprën penale "vjedhje me dhunë". Sipas policisë, në trupin e viktimës nuk janë konstatuar shenja dhune. Dyshohet se 27-vjeçari ka qenë përdorues i rregullt i lëndëve narkotike.
Në lidhje me ngjarjen, prokuroria e Korçës ka nisur një hetim në lidhje me ngjarjen.
Organi i akuzës ka sekuestruar kamerat e ambienteve të komisariatit dhe dhomave të sigurisë. Po ashtu, po pyeten edhe efektivët e policisë që kanë qenë në detyrë gjatë mbrëmjes së të mërkurës dhe mëngjesin e sotëm. Pritet që ekspertiza mjeko-ligjore të hedhë dritë mbi shkaqet e vdekjes së 27-vjeçarit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
