Zjarr në “Livadhet e Karajt” në Bulqizë, digjen sipërfaqe me barishte dhe shkurre

Një vatër zjarri është ndezur sot në vendin e quajtur  “Livadhet e Karajt” në fshatin Koçaj, të Bulqizës.

Flakët po favorizohen nga era e fortë dhe deri më tani janë djegur disa dhjetëra hektarë pyje e kullota.

Në vendngjarje ka shkuar zjarrfikësit, të cilët po punojnë për shuarjen e flakëve.

Njoftimi i Policisë:

Bulqizë/informacion paraprak Në fshatin Koçaj, njësia administrative Fushë-Bulqizë, ka rënë zjarr në një zonë me barishte dhe shkurre.

Në vendin e ngjarjes janë shërbimet e Policisë dhe shërbimet e zjarrfikëses, të cilët po punojnë për të vënë nën kontroll flakët dhe shuarjen e zjarrit.

Grupi hetimor ka nisur hetimet për zbardhjen e shkaqeve të rënies së zjarrit, identifikimin dhe vënien para përgjegjësisë ligjore autorësinë e këtij rasti.