Gjyqtarët e Kushtetueses vendosin për largimin e Holta Zaçajt nga detyra më 10 mars

<p>Pas tre seanca shtyrjesh, 7 gjyqtarët e Kushtetueses votojnë që Holta Zaçaj duhet të largohet në mars 2025 dhe jo siç ajo pretendonte, në fund të 2025-s. Seanca është mbajtur sot në orën 13:00. Zaçe mban aktualisht detyrën e kryetares së Gjykatës Kushtetuese, në të cilën pasoi Vitore Tushen.</p> <p>Holta Zaçaj nuk ka pranuar të largohet nga detyra, pavarësisht thirrjes së Gjykatës së Lartë, organi që e ka emëruar, për të deklaruar sot vakancën.</p> <p>Zaçaj pretendonte se data 10 Mars 2017, që i referohet datës në të cilën gjyqtarja Vitore Tusha ka mbaruar detyrën e saj, nuk është përcaktuese për përfundimin e detyrës së saj si gjyqtare pasuese.&nbsp;</p> <p> <a href="https://www.fibank.al/individe/kredi/kredi-konsumatore/kredi-konsumatore-premium" target="_blank" rel="noopener noreferrer"> <img alt="Fibank" width="300" height="100" src="https://www.mcntv.al/sites/default/files/fibank8.gif" loading="lazy"> </a> </p> <blockquote> <p><em>Në përfundim Gjykata, me shumicë votash, vendosi: “&nbsp;Deklarimin e mbarimit të mandatit të gjyqtares së Gjykatës Kushtetuese, zonjës Holta Zaçaj, në datën 10.03.2025”.</em></p> <p><em>Në arritjen e këtij përfundimi Gjykata vlerësoi se, neni 179, pika 3, i Kushtetutës nuk përcakton datën e mbarimit të mandatit, por vetëm vitin 2025. Edhe neni 86 i ligjit organik të Gjykatës përmban të njëjtin parashikim me normën kushtetuese. Po ashtu, dhe akti i zgjedhjes të kësaj gjyqtareje (vendimi nr. 2, datë 16.01.2023 i Mbledhjes së Posaçme të Gjyqtarëve të Gjykatës së Lartë) është shprehur se zonja Holta Zaçaj zgjidhet anëtare e Gjykatës Kushtetuese deri në kryerjen e përtëritjes në vitin 2025.</em></p> <p>&nbsp;</p> </blockquote>