Një 44-vjeçar është ekstraduar nga Roma drejt Tiranës, ku do të përballet me drejtësinë për akuzën e trafikimit të lëndëve narkotike. R.M., 44 vjeç, është arrestuar në Vareze të Italisë, për llogari të drejtësisë shqiptare.
Urdhër-arresti ndërkombëtar është lëshuar nga Interpol Tirana në ngarkim të tij, pasi Gjykata e Krimeve të Rënda Tiranë, me vendim nr. 06, datë 17.01.2018, ka vendosur masën e sigurisë “Arrest në burg”, për këtë shtetas, për veprën penale “Trafikimi i narkotikëve”.
R.M. akuzohet se në mars të vitit 2013, në bashkëpunim me dy persona të tjerë, ka tentuar të kalojë drejt Italisë, me kamion, nëpërmjet Portit të Durrësit, një sasi prej 61 kg kanabis.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
