Një incident ndodhi paraditen e sotme në pedonalen e Shkodrës, në rrugën “28 Nëntori”, ku një kabinë elektrike u përfshi nga flakët.
Kabina është dukshëm e vjetër dhe kjo mendohet të ketë qenë edhe arsyeja e flakëve.
Banorët dhe kalimtarët njoftuan menjëherë shërbimet zjarrfikëse, të cilat mbërritën në vendngjarje për të neutralizuar situatën.
Megjithatë, ndërhyrja e zjarrfikësve u vështirësua për shkak të makinave të parkuara në rrugicën e ngushtë, duke pamundësuar hyrjen e mjetit të tyre pranë kabinës.
Pavarësisht kësaj, efektivët e shërbimit zjarrfikës arritën të shuajnë flakët dhe të parandalojnë përhapjen e mëtejshme të zjarrit. Fatmirësisht, nuk raportohet për dëme në njerëz.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
