Gjykata e Tiranës ka caktuar masën e sigurisë “Arrest me burg”, për shtetasin Alban Guri i cili aksidentoi për vdekje 6-vjeçaren pak ditë më parë në Tiranë.
I akuzuari për këtë ngjarje nuk ka deklaruar asnjë para gjykatës, ndërsa ndaj tij rëndojnë akuzat “aksident me pasojë vdekjen” dhe “largim nga vendi i aksidentit”.
Ngjarja e rëndë ndodhi pak ditë më parë në rrugën “Njazi Meka” në zonën e Alliasit në kryeqytet. Vajza doli nga shtëpia bashkë me një fëmijë tjetër, i cili arriti të kalonte në anën tjetër të rrugës.
Ndërkohë, babai i të miturës, Iljaz Petali i ka bërë asaj një dedikim prekës në Facebook, ku shpreh dhimbjen që ndjen për humbjen e saj. “Ah moj zemra babit ti, Ambra ime. Pse ike nga kjo jetë. Pse më le babin vetëm. Ma këpute zemrën o Ambra ime. Allahu të gradoft në xhenet u rritsh e lumtur ashtu siç ishe në këtë dynja. Ti ishe frymëzimi im. Do mbetesh gjithmonë në zemrën time Ambra babit”, shkruan ai.
Kujtojmë që 6-vjeçarja është aksidentuar në derë të shtëpisë. Pasi është përplasur është dërguar menjëherë në spital, por ka ndërruar jetë si pasojë e plagëve të rënda që ka marrë. Shoferi Alban Guri, fillimisht është larguar nga vendi i ngjarjes, por më pas është arrestuar nga policia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
