Policia e Shkodrës ka njoftuar se në kuadër të megaoperacionit policor kombëtar të koduar “Territor i pastër”, kundër kultivimit të bimëve narkotike, ka asgjësuar 3754 bimë cannabisi.
Në vijim të megaoperacionit kombëtar policor, të koduar “Territor i pastër”, u evidentuan dhe goditën 2 raste të tjera të kultivimit të bimëve narkotike, konkretisht:
-shërbimet e Komisariatit të Policisë Shkodër, gjetën në Postribë dhe asgjësuan 2785 bimë narkotike;
-shërbimet e Komisariatit të Policisë Vau i Dejes, gjetën në Toplanë dhe asgjësuan 969 bimë narkotike.
Vijon puna për identifikimin, kapjen dhe nxjerrjen përpara përgjegjësisë penale, të shtetasve të tjerë të implikuar në këtë veprimtari kriminale.
Megaoperacioni “Territor i pastër” vijon.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
