Menjëherë pasi Prokuroria e Tiranës kërkoi moskompetencë për rigjykimin e Izet Haxhisë, Gjykata e Tiranës ka vendosur që t’i kalojë dosjen Prokurorisë së Krimeve të Rënda, ku pritet të bëhet rigjykimi.
Teksa prokuroria në një seancë më parë kërkoi nga gjykata shpalljen e moskompetencës, argumentoi se vepra penale për të cilën akuzohet Haxhia është kompetencë e Krimeve të Rënda.
Ndërkohë, i akuzuari Izet Haxhia ishte dakord me kërkesën e Prokurorisë së Tiranës që çështja t’u kalojë Krimeve të Rënda.
Haxhia akuzohet për vrasjen e ish-deputetit Azem Hajdari natën e 12 shtatorit 1998.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
