Burg 45 ditor është vendosur për Vasil Mullajn, 61-vjeçarin nga fshati Erind i Lunxhërisë i cili akuzohet për ngacmim seksual ndaj të miturve. Seanca gjyqësore për vlerësimin e masës së arrestit ndaj tij ka zgjatur plot 2 orë por me një ndalesë 30 minuteshë pasi i pandehuri humbi ndjenjat sapo përfundoi se dhëni versionin e tij të ngjarjes për të cilën akuzohet.
Greva e urisë tre ditëshe që kishte ndërmarrë në dhomat e paraburgimit të Komisariatit të Policisë Gjirokastër, kishin shkaktuar dehidratimin e 61-vjeçarit. Mësohet se ai është shprehur lidhur me këtë veprim në shenjë zemërimi ndaj akuzës që i ishte ngritur me një qëllim të caktuar.
Vetë ai ka shpjeguar ngjarjen me të cilën akuzohej duke thënë se të vetmin veprim që ka bërë, ishte dëbimi nga oborri i shtëpisë i katër fëmijëve mes të cilëve tre të miturave që luanin me nipërit dhe mbesat e tij.
Zhurma që shkaktonin fëmijët, ishte shume e padurueshme aq sa ne nje moment 6-vjeçari ka reaguar me dhunë psikologjike shoqëruar me shtyrje ndaj fëmijëve që u pretenduan nga prindërit e tyre se u ngacmuan seksualisht.
Në dosjen e paraqitur nga prokurori Julian Çafka, oficerët e Policisë Gjyqësore kishin marrë dëshmitë e prindërve të të miturve të cilët pretendonin se fëmijët e tyre ishin ngacmuar në organet intime nga 61-vjeçari Vasil Mullaj.
Mirëpo kjo është kundërshtuar nga vetë i pandehuri dhe avokati i tij Bernard Aliko. Ky i fundit ka kërkuar prova të besueshme. Ai kërkoi nga kryesuesja e seancës gjyqësore, që të merren prova të tjera ligjore për të vërtetuar akuzën. Në këto rrethana drejtuesja e seancës së sotme, dha vendimin e arrestit me burg 45 ditor për Vasil Mullajn derisa organi i akuzës të sjellë prova të tjera.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
