Banorët e fshatit Zvezdë, në bashkinë Maliq, janë ngritur në protestë mëngjesin e kësaj të diele, duke kundërshtuar mënyrën e zbatimit të projektit për furnizimin me ujë të pijshëm.
Sipas tyre, punimet për projektin kanë nisur prej dy javësh, por që në fillim janë vërejtur probleme në cilësinë e realizimit. Pas më shumë se 30 vitesh mungesë të ujit të pijshëm, banorët shprehen të shqetësuar se mund të përballen sërish me të njëjtën situatë.
Gjithashtu banorët thonë se depozita e ujit të ndërtohet në fshatin Zvezdë, ku ka burime të mjaftueshme për furnizim, dhe jo në fshatin Burimas, siç është parashikuar në projektin aktual.
Banorët kërkojnë transparencë mbi përmbajtjen e projektit dhe përfshirjen e komunitetit në vendimmarrje, duke paralajmëruar se protestat do të vazhdojnë deri në plotësimin e kërkesave të tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
