Më shumë se 24 orë kanë kaluar pas zbulimit të vetëvrasjes së Jeffrey Epstein në një burg federal në Manhattan, por ende mbeten shumë aspekte të ngjarjes për t’u sqaruar. Për këtë arsye, po zhvillohen tri hetime: një nga agjentët e FBI-së, një nga Ministria e Drejtësisë (nga i cila varet sistemi i burgjeve federale) dhe një nga zyra e ekzaminuesit mjekësor të qytetit të Nju-Jorkut.
Para së gjithash, bëhet një përpjekje për të konstatuar rrethanat që çuan në heqjen e mbikëqyrjes speciale mbi një të arrestuar, që dyshohej se kishte tentuar të vetëvritej në fillim të korrikut, pas arrestimit të tij dhe pasi gjyqtari refuzoi kërkesën e arrest shtëpiak. Sipas disa burimeve, nuk është plotësisht e qartë nëse shenjat e gjetura në qafë janë rezultat i përpjekjejes për vetëvrasje apo e një agresioni. Epstein tha që u sulmua dhe u quajt "pedofil", por autoritetet e burgut, megjithatë, e futën nën vëzhgim nga frika e vetëvrasjes. /Ansa/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
