Një 35-vjeçar shqiptar është arrestuar nga policia greke në Maroussi të Athinës, pasi akuzohet për grabitje dhe vjedhje. Ndërsa në kërkim është shpallur bashkëpunëtori i tij.
Dy personat kanë grabitur një çift, duke i marrë me forcë një çantë që kishte një shumë parash.
Çifti njoftoi menjëherë policinë, të cilët arrestuan 35-vjeçarin shqiptar, kur personi tjetër u identifikua dhe është shpallur në kërkim.
Gjatë aksionit për arrestim, shqiptari ka bërë rezistencë duke kundërshtuar forcat e policisë.
Në vendin e grabitjes u gjet dhe u konfiskua motoçikleta e autorëve, mjete të ndryshme për vjedhje, doreza, një pistoletë më gaz, dy helmeta motorësh, një kapuç dhe një telefon.
Sipas mediave greke, nga hetimet rezulton se dy personat që prej muajit shkurt kishin qenë vjedhës sistematikë, kryesisht në zonën e Atikës.
Hetimet kanë zbuluar deri më tani personat kanë kryer nëntë grabitje dhe një vjedhje makine.
Shqiptari i arrestuar u dërgua në Prokurorinë e Shkallës së Parë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
