Gjykata e Përmetit ka liruar të hënën edhe Betim Shkupin, administratorin e UET-së, i arrestuar dy ditë më parë në kuadër të operacionit “Mezhgorani”. Lirimi i tij, ka ardhur menjëherë pas lirimit të botuesit dhe gazetarit Henri Çili, pronar i Universitetit Europian të Tiranës. Shkupi u prangos në Tiranë në shtëpinë e tij. Pas arrestimit ai u dërgua në drejtorinë e Policisë së Gjirokastrës.
Betim Shkupi akuzohej se më datë 10 janar 2020 ka firmosur në emër të Henri Çilit me prokurë, tek noteri pronat që botuesi dhe pronari i UET-së do të përfitonte, dy apartamente në Velipojë me kontratë dhurimi nga biznesmeni i ndërtimit Sait Fishta, që u arrestua bashkë me të vëllanë Besnik Fishta.
Në emër të Shkupit do kalonin pasuritë në hipotekën e Shkodrës. Ndërkohë për biznesmenin e ndërtimit Sahit Fishta gjykata pritet të japë masën e sigurisë në orën 18:00.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
