Policia greke ka shpallur në kërkim një 44-vjeçar shqiptar, nën akuzën e tentativës së vrasjes dhe grabitjes ndaj një shtetasi tjetër shqiptar. Ngjarja ka ndodhur më 10 tetor të këtij viti, në Kifisa, Greqi.
Sipas mediave greke, ngjarrja është hetuar nga Nëndrejtoria e Sigurisë së Atikës Verilindore. 39-vjeçari shqiptar u gjet i plagosur me armë zjarri në trotuarin e rrugës së re kombëtare Athinë–Lamia, në Kifisia. Në dosje është përfshirë edhe një 35-vjeçare shqiptare, si bashkëpunëtore e autorit.
Dosja i është dorëzuar Prokurorisë Publike për Kundërvajtje të Athinës dhe i është caktuar hetuesit për hetimin kryesor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
