Lazar Dejanoviç, i akuzuar për sulm ndaj personit zyrtarë dhe pjesëmarrja në huliganizëm në veri të Kosovës, ka arritur marrëveshje me Prokurorin Speciale për pranimi të fajësisë.
Gjykata Themelore e Prishtinës e ka dënuar sot me 8 muaj burgim dhe 10 mijë euro gjobë të akuzuarin Lazar Dejanoviç, i cili ngarkohej nga Prokuroria Speciale për huliganizëm dhe sulm ndaj personit zyrtar në protestat e dhunshme më 29 maj 2023, afër objektit të Komunës së Zveçanit.
Sipas aktgjykimit të shpallur të mërkurën nga kryetari i trupit gjykues, gjyqtari Valon Kurtaj, të njëjtit do t’i llogaritet edhe koha e kaluar në paraburgim.
Pasi që palët thanë se nuk do të ushtrojnë ankesë lidhur me lartësinë e dënimit, gjyqtari Valon Kurtaj e shpalli vendimin mbi dënimin që tash të formës së prerë.
Aktakuza ndaj të pandehurit Dejanoviç është ngritur nga Prokuroria Speciale e Republikës së Kosovës më 15 tetor 2024.
Sipas aktakuzës i pandehuri më datë 29.05.2023, afër objektit të Komunës së Zveçanit, në koordinim me të pandehur të tjerë të nacionalitetit serb nga Kosova dhe Serbia, përmes përdorimit të dhunës i kanë sulmuar dhe seriozisht i kanë kanosur ushtarët e misionit paqeruajtës të KFOR-it, si dhe disa pjesëtarë të Policisë së Kosovës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
