Sheefi i Komisariatit të Policisë në Pukë, Pjerin Lazri është përjashtuar nga radhët e Policisë së Shtetit, pasi dyshohet se ka shkelur Kodin e Etikës dhe të Komunikimit, si dhe ka goditur një shtetas. Rasti është publikuar në një emision investigativ, ndërsa vendimi i përjashtimit është marrë nga Drejtuesi i Policisë së Shtetit, Muhamet Rrumbullaku.
“Drejtori i Përgjithshëm i Policisë së Shtetit sapo është njohur me rastin, ka shkarkuar nga detyra dhe ka përjashtuar menjëherë, nga rradhët e Policisë së Shtetit, shefin e Komisariatit të Policisë Pukë, për shkelje të rëndë të Kodit të Etikës dhe të komunikimit dhe për tejkalim të kompetencave, duke abuzuar rëndë me atributet që i jep ligji dhe detyra.
Drejtori i Përgjithshëm i Policisë së Shtetit garanton qytetarët se është shumë i vendosur për të reaguar me ashpërsinë e ligjit ndaj kujtdo punonjësi policie që shpërdoron detyrën dhe që abuzon rëndë me uniformën e shenjtë të Policisë së Shtetit”, thuhet në njoftimin zyrtar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
