Një shqiptar ka ngelur i plagosur mëngjesin e sotëm në Greqi, pasi ka tentuar të grabisë një bankë. Ngjarja u shënua në Colonos të Athinës, në kryqëzimin e rrugëve Palamidi dhe Lenorman, ku policia ka ndërhyrë pasi u sinjalizua për një grabitje banke. Policia ka mbërritur menjëherë në vendngjarje dhe më pas është vënë në ndjekje të autorit i cili më pas i ka kërcënuar me thikë. Në ndjekje e sipër pas rezistencës së shqiptarit, ka pasur të shtëna me armë. Nga të shtënat me armë të policisë, ka mbetur i plagosur 38-vjeçari shqiptar Elton Zoto, i cili ka marrë 3 plumba në bark dhe një në kofshë. I plagosuri është dërguar në spital ku ndodhet nën mbikëqyrjen e bluzave të bardha, ndërkohë që hetimet lidhur me ngjarjen janë në vijim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
