Emri/ Zbulohen 4 mijë vepra arti të karakterit fetar në një banesë në Tiranë, një i arrestuar

Rreth 4 mijë vepra arti të vjedhura janë zbuluar në një banesë në Tiranë, ndërsa një person është arrestuar.

Specialistët e Seksionit për Hetimin e Trafiqeve,  pas një pune të mirëfilltë hetimore disa javore, organizuan dhe finalizuan me sukses operacionin policor të koduar “Cultural Heritage”, në kuadër të të cilit u bë arrestimi në flagrancë i shtetasit Artan Koçiu, 61 vjeç, banues në rrugën "Ali Demi", për veprat penale "Vjedhja e veprave të artit e kulturës", dhe "Trafikimi i veprave të artit dhe kulturës".

Shërbimet e Policisë, gjatë kontrollit të ushtruar në një apartament në pronësi të këtij shtetasi, në rrugën "Shyqyri Brati", kanë gjetur rreth 4.000 sende të dyshuara si pasuri kulturore të luajtshme.

Në bashkëpunim me specialistët dhe ekspertët e Institucioneve të Specializuara në Ministrinë e Kulturës vijon puna për inventarizimin e këtyre objekteve dhe dokumentimin e plotë të kësaj veprimtarie kriminale. 

Materialet i kaluan Prokurorisë së Rrethit Gjyqësor Tiranë, për veprime të mëtejshme procedurale.