Për nderë të 25 vjetorit të Epopesë së Ushtrisë Çlirimtare të Kosovës (UÇK), kuvendi do të mbajë sot në seancë solemne.
Me fillim nga ora 12:00, deputetëve dhe qytetarëve të Republikës do t’u drejtohet presidentja, Vjosa Osmani.
Po ashtu, deputetëve dhe të pranishmëve pritet t’u drejtohet dhe kryeministri Albin Kurti.
Me rastin e 25-vjetorit të Epopesë së UÇK-së, presidentja Vjosa Osmani dhe kryeministri Albin Kurti do të bëjnë homazhe edhe në Kompleksin Memorial “Adem Jashari” në Prekaz.
Presidenca dhe Zyra e Kryeministrit përmes një komunikate për media, kanë njoftuar se këto homazhe do të bëhen nesër me fillim nga ora 10:00.
“Në orën 10:00, presidentja e Republikës së Kosovës, Vjosa Osmani bën homazhe në Kompleksin Memorial ‘Adem Jashari’ në Prekaz, me rastin e shënimit të Epopesë së UÇK-së”, njofton Presidenca.
“Kryeministri i Republikës së Kosovës, Albin Kurti bën homazhe në Kompleksin Memorial ‘Adem Jashari'”, thekson Kryeministria.
Në 25-vjetorin e rënies heroike të komandantit legjendar Adem Jashari, familjes Jashari, dëshmorëve të kombit, si dhe të gjithë të rënëve për liri, më 5, 6 dhe 7 mars është organizuar manifestimin gjithë popullor “Epopeja e Ushtrisë Çlirimtare të Kosovës”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
