Një 34-vjeçar është arrestuar nga policia në Durrës pasi nën kërcënimin e thikës ka tentuar të vjedhë xhiron ditore në një market duke plagosur lehtë dhe punonjësen.
Ngjarja ka ndodhur rreth orës 15:30, në lagjen nr. 1 Durrës, ku shtetasi Orgest Zenuni, 34 vjeç është futur në një market dhe nën kërcënimin e thikës ka tentuar të marrë xhiron ditore.
Punonjëset e marketit kanë reaguar duke njoftuar Policinë dhe të pengonin autorin për të mos marrë lekët.
34-vjeçari duke mos realizuar dot vjedhjen është munduar të largohet dhe në përpjekje për tu larguar ka dëmtuar lehtë në dorë një nga punonjëset e marketit.
Shërbimet e Policisë kanë shkuar në kohë reale në adresën e dhënë dhe kanë prangosur autorin, shtetasin Orgest Zenuni, 34 vjeç, banues në lagjen nr. 18 Durrës, të cilin e kanë shoqëruar në Komisariat për veprime të mëtejshme.
Grupi hetimor ndodhet në vendngjarje dhe vijon veprimet për dokumentimin ligjor të rastit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
