Një person i shpallur në kërkim ndërkombëtar nga autoritetet kosovare, për vjedhje të rëndë, është vënë në prangat e policisë së Kukësit, në fshatin Borje me qëllim ekstradimin.
Bazuar në informacionet e siguruara në rrugë operative uniformat blu lokalizuan, kapën dhe arrestuan me qëllim ekstradimin në Kosovë, S. Ç., 24 vjeç, banues në fshatin Borje.
24-vjeçari ishte shpallur në kërkim ndërkombëtar, pasi Gjykata Themelore e Prizrenit i ka caktuar masën e sigurisë “Arrest në burg”, për veprën penale “Vjedhja e rëndë”.
Interpol Tirana, në bashkëpunim me homologët në Kosovë, do të kryejë procedurat për ekstradimin e 24-vjeçarit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
