Një mësues 39-vjeçar humbi jetën gjatë ditës së sotme pasi u infektua me COVID-19.
Bëhet fjalë për mësuesin e matematikës, në shkollën “Haxhi Shën Shamia” në Shkodër, Gazion Rusi.
Mësuesi-39-vjeçar prej disa ditësh ndodhej i intubuar në spitalin Covid-2 në Tiranë.
Dyshohet se Rusi vuante nga astma por që nuk ishte në dijeni.
Rusi ushtronte profesionin e mësuesit prej 15 vitesh.
Një ditë më parë, nga Shkodra, u bë apel për ndihmë për dërgimin e tij në spitalet e Turqisë.
Për humbjen e parakoshme të mësuesit të Shkodrës Gazion Rusi ka reaguar edhe myftiu i Shkodrës Muhamed Sytari.
Ai e konsideron Rusin, si “model i pastërtisë, i moralit, i përkushtimit, i sakrificës në heshtje, i lodhjes me buzagaz, i vullnetarizmit ndërtues, i fjalës së ëmbël, i këmbënguljes për më të mirën”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
