Policia e Lezhës ka ngritur postblloqe të shumta dhe po ushtron kontrolle mbi automjetet e dyshimta që po lëvizin në rrugët kryesore, për të gjetur gjurmë të autorëve që ekzekutuan sot Gilmando Danin, ngjarje e ndodhur pranë Aeroportit të Rinasit.
Gazetari Juli Simoni në një raportim për edicionin e lajmeve bën me dije:
“Atentati ndaj Gilmando Danit ka vënë në lëvizje edhe Policinë e Lezhës. Forca të shumta policie kanë ngritur postblloqe dhe po kontrollohet çdo automjet i dyshimtë që lëviz në rrugët kryesore. Grupet e Policisë janë vendosur në disa pika prej disa orësh, dhe po ushtrohen kontrolle, kryesisht në zonën e Kurbinit, për të gjetur ndonjë gjurmë të autorët. Mendohet se autorët kur kanë djegur automjetin mund të kenë lëvizur në drejtim të Lezhës. Kontrollet e policisë do të vijojnë në zbatim të urdhrit të Prokurorisë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
