Policia e Maliqit ka arrestuar një 34-vjeçar me inicialet K.B., nën akuzën se goditi me sende të forta një person tjetër. Policia njoftoi se ngjarja ndodhi pas një sherri për motive të dobëta.
50-vjeçari ka marrë plagë në pjesën e kokës, ndërsa është dërguar në spital dhe ndodhet jashtë rrezikut për jetën.
“Specialistët për Hetimin e Krimeve në Komisariatin e Policisë Maliq, bënë arrestimin në flagrancë të shtetasit K. B., 34 vjeç, banues në fshatin Rëmbec, Maliq, pasi në këtë fshat, shtetasi i mësipërm për motive të dobëta, dyshohet se ka goditur me send të fortë në kokë shtetasin F. M., 50 vjeç, banues në fshatin Çiflig, Korçë, i cili ndodhet nën kujdesin e mjekëve në Spitalin e Korçës”, njoftoi policia.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
