Pak minuta më parë, drejtori i IMT-së, një inspektor, si dhe efektivë të rendit në Vlorë janë përfshirë në një incident.
Shkak ka qenë një aksion i përbashkët i Policisë Bashkiake dhe IMT-së për lirimin e hapësirave publike.
Katër qytetarë, të cilët kundërshtonin ndërhyrjen e autoriteteve në biznese, janë përplasur me drejtorin e IMT-së dhe inspektorin.
Ngjarja ka ndodhur në hyrje të qytetit të Vlorës, ku pas konstatimit të sherrit, efektivët e qarkullimit rrugor ndërhynë për ta shuar atë.
Gjatë ndërhyrjes, një nga efektivët është goditur me grushte nga disa persona. Bëhet me dije se efektivi ka nxjerrë armën e shërbimit dhe ka qëlluar në ajër për të shpërndarë personat.
Më pas janë njoftuar forcat “Shqiponja”, të cilat kanë shoqëruar personat e përfshirë në sherr.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
