Një aksident me pasojë një të vdekur ka ndodhur mbrëmjen e sotme në qytetin bregdetar të Durrësit. Ngjarja ka ndodhur në Shënvlash, ku një mjet tip Opel është përplasur me një motoçikletë tip Piagio. Nga aksidenti ka ndërruar jetë drejtuesi i motoçikletës D. M. 55 vjeç, ndërsa është shoqëruar drejtuesi i makinës K. M, 28 vjeç.
Njoftimi i policisë:
Më datë 13.07.2017, rreth orës 17:40, në Shënvlash Durrës, shtetasi K. M. , 28 vjeç, banues në Durrës, duke drejtuar mjetin tip Opel është përplasur me motoçikletën tip Piagio, pa targa me drejtues shtetasin D. M. 55 vjeç, banues në Durrës.
Fatkeqësisht drejtuesi i motorçikletës ka ndërruar jetë në Spitalin Rajonal Durrës. Drejtuesi i mjetit është shoqëruar në polici dhe grupi hetimor po punon për zbardhjen e plotë të ngjarjes dhe kryerjen e veprimeve të mëtejshme procedurale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
