Avokati Kujtim Cakrani thotë se krimet zgjedhore kryhen çdo ditë, duke denoncuar se vetëm ditët e fundit Kryeministri ka konsumuar disa krime zgjedhore.
Për “MCN Live”, ai deklaroi se në Dibër Blendi Klosi nxori votën e parë të diasporës e cila ishte në favor të Partisë Socialiste.
Në vijim ai përmendi me raste të krimeve zgjedhore sipas tij, duke u shprehur se Kryeministri Edi Rama ka konsumuar elementë të veprës penale.
Që në atë moment SPAK duhet të niste procedimin penal dhe ta pyeste se kush ia ka nisur fletën e votimit dhe të pyeste se çlidhje kishte ai dhe si e kishte pasur informacionin që vota ishte për PS.
Kryeministri që ka qenë në atë takim ka heshtur. Ka mbledhur para dy ditësh fëmijët në plazhin e Spillesë, fëmijët që nuk kanë të drejtë vote dhe ka bërë takim elektoral me ta dhe iu ka kërkuar fëmijëve që të futen të kërkojnë fotot e tij nudo.
Ka konsumuar elementin e veprës penale pornografi, Kryeministri i ka shtyrë fëmijët që të shohin pornografi.
Dje konsumoi një tjetër vepër penale, diskriminimi, ai dje ka diskriminuar një komunitet të tërë që janë autikët, prindërit e tyre.
Krime zgjedhore kryhen në çdo moment, kur ti merr administratën në fushatën e kandidatëve.
Krime zgjedhore kryhen çdo ditë, ndaj unë nuk kam besim nga SPAK.
Mbushja e gropave të rrugës natën, janë krim zgjedhor.
Këto janë krime zgjedhore, unë nuk e di më se çfarë pret SPAK, mjafton që oficerët e BKH të dalin natën dhe të shohin mjetet që shtrojnë rrugën dhe të shohin punimet elektorale, që nuk dihet se kush i financon.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
