Tre persona janë arrestuar në Lezhë pasi janë kapur duke transportuar lëndë narkotike nga Mirdita në drejtim të Lezhës.
Burimet zyrtare bëjnë me dije se bazuar në informacionet e siguruara në mënyrë operative, në vendin e quajtur “Gëziq”, Mirditë, shërbimet e Policisë kanë ndaluar automjetin e dyshuar tip "Benz".
Gjatë kontrollit të automjetin me drejtues shtetasin Altin Përshqefa dhe pasagjerë vëllain Shkelqim Përshqefa dhe kushëririn e tij Çelnik Përshqefa, shërbimet e Policisë gjetën 17 kilogramë lëndë narkotike cannabis sativa, të cilat u sekuestruan cilësinë e provës materiale, së bashku me automjetin.
Nën drejtimin e Prokurorisë vijon puna për identifikimin dhe kapjen e personave të tjerë të përfshirë në këtë veprimtari kriminale.
Materialet procedurale i kaluan për ndjekje të mëtejshme, Prokurorisë së Rrethit Gjyqësor Lezhë, për veprën penale “Prodhimi dhe shitja e narkotikëve”, kryer në bashkëpunim.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
