Moti i keq dhe reshjet e dendura të shiut, që kanë mbërthyer territorin e Shqipërisë, gjatë kësaj jave, kanë sjellë dëme të konsiderueshme si pasojë e përmbytjeve në shumë zona të vendit.
Prurjet e shumta nga reshjet e shiut kanë bërë që hidrocentrali i Shkopetit të hap portat dhe të nisin shkarkimet e ujit në lumin Mat.
Sipas raportimeve të fundit, shkarkimet kanë arritur deri në 300 metër kub dhe si pasojë prurjet në lumin Mat janë rritur, por pa problematika për argjinaturën e këtij lumi.
Nëse prurjet në lumin Mat do të shtohen, atëherë rrezikohet që të përmbytet e gjithë zona e Milotit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
