Një 38-vjeçar është arrestuar gjatë një operacioni të zhvilluar nga Komisariati i Policisë në Kamëz. Sipas burimeve nga policia, në pranga është vënë shtetasi Fehtah Jata, i cili dyshohet se ka qëlluar me armë zjarri në ajër dhe ka rrezikuar forcat e policisë duke kërcënuar të qëllonte edhe në drejtim të efektivëve. Ngjarja ka ndodhur në Kamëz ndërsa Jata rezulton person me precedent të mëparshëm penal, i dënuar për shitje dhe prodhim të lëndëve narkotike.
“38-vjeçari qëllonte në ajër me kallashnikovduke terrorizuar banorët. Policia u sinjalizua për ngjarjen dhe u nis menjëherë drejt vendngjarjes. Pasi efektivët u afruan në banesën ku dyshohet se fshihej Fehtah Jata dhe i bënë thirrje të dorëzohej”, bëri të ditur policia.
38-vjeçari nuk i është bindur thirrjes së policisë, por ka mbyllur derën dhe ka kërcënuar se do qëllonte në drejtim të uniformave blu. Pas ndërhyrjes profesionale të punonjësve të policisë është bërë e mundur arrestimi në flagrancë i tij. Atij iu sekuestrua edhe arma të cilën e mbante në dorë me fishekë në fole gati për qitje. Në cilësinë e provës materiale u sekuestruan një armë zjarri kallashnikov, dy karikatorë me fishekë luftarak dhe 11 gëzhoja.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
