Tentoi të vriste me thikë një person, pas një konflikti për motive të dobëta, falë ndërhyrjes së menjëhershme të policisë, arrestohet në flagrancë i dyshuari. Shërbimet e Komisariatit të Policisë Vlorë, menjëherë pas marrjes së njoftimit se një shtetas kishte tentuar të vriste me thikë një tjetër, në lagjen “10 Korriku”, kanë organizuar punën, me qëllim identifikimin dhe kapjen e autorit, si dhe për zbardhjen e rrethanave të rastit. Falë ndërhyrjes së shpejtë dhe veprimeve profesionale policore, u bë i mundur arrestimi në flagrancë i shtetasit Fatjon Kocaj, 36 vjeç, banues në Vlorë. I ndaluari dyshohet se ditën e djeshme, pas një konflikti për motive të dobëta, ka tentuar ta vrasë, duke e goditur me thikë, shtetasin Avdurraman Shametaj, 65 vjeç, banues në Vlorë, i cili ndodhet jashtë rrezikut për jetën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
