Grabitet filiali i një banke të nivelit të dytë në Peshkopi.
Sipas policisë, rreth orës 10.00, një person i maskuar me kapuç është futur brenda ne banke dhe nën kërcënimin e një mjeti prerës dyshohet se ka marrë një shumë parash dhe është larguar.
Policia bën të ditur se ka ngritur pika kontrolli me qëllim identifikimin dhe kapjen e të dyshuarit të grabitjes.
"Rreth orës 10.00, në një filial banke në qytetin e Peshkopisë, një person i maskuar me kapuç, nën kërcënimin e një mjeti prerës dyshohet se ka marrë një shumë parash dhe është larguar. Grupi hetimor ndodhet në vendin e ngjarjes, po këqyren kamerat e sigurisë dhe po fiksohet çdo provë me qëllim identifikimin e autorit. Shërbimet e policisë kanë ngritur pika kontrolli në hyrje-daljet e qytetit, për kapjen e autorit", thuhet në njoftimin e policisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
