Nga sherri për xhamin e makinës te përleshja me thika/ Arreston dy persona, procedohen dy të tjerë

Dy persona u arrestuan nga policia në Durrës si dhe u proceduan dy të tjerë, pasi u konfliktuan me njëri-tjetrin për motive të dobëta.

Mësohet se 23-vjeçari me inicialet A.P., ka goditur me thikë shtetasin A. D, pasi ky i fundit i kishte dëmtuar xhamin e makinës.

Në konflikt janë përfshirë edhe shtetasit R. D. dhe E. P., të cilët kanë goditur me grushte njëri-tjetrin, duke marrë dëmtime të lehta.

NJOFTIMI

Durrës/U konfliktuan me njëri-tjetrin, për motive të dobëta, vihen në pranga 2 shtetas, procedohen 2 të tjerë.

Specialistët për Hetimin e Krimeve të Komisariatit të Policisë Durrës arrestuan në flagrancë shtetasit A. P., 23 vjeç dhe A. D., të dy banues në Durrës, pasi 23-vjeçari ka goditur me mjet prerës (thikë) shtetasin A. D., me vetëgjyqësi, pasi ky i fundit ka dëmtuar xhamin e automjetit të shtetasit A. P. Në konflikt janë përfshirë edhe shtetasit R. D. dhe E. P., të cilët kanë goditur me grushte njëri-tjetrin, duke marrë dëmtime të lehta. Për të dy këta shtetas janë referuar materialet në Prokurori, si dhe ka nisur procedimi penal në gjendje të lirë.

Materialet i kaluan Prokurorisë, për veprime të mëtejshme.