Goditet një rast i kultivimit të bimëve narkotike dhe një rast i armëmbajtjes pa leje, duke vënë në pranga autorin e dyshuar në vendin ku kishte kultivuar 105 bimë narkotike.
Efektivët e policisë Pukë finalizuan operacionin e koduar “Gjurmimi”, gjatë të cilit u vu në pranga T. Ll., 58 vjeç, banues në fshatin Kodërbojë, Pukë.
Ky shtetas u kap në flagrancë në fshatin Kodërbojë, në një parcelë në tokë publike, ku ishin kultivuar 105 bimë të dyshuara narkotike kanabis sativa, të cilat u asgjësuan nëpërmjet djegies.
Në vijim, gjatë kontrollit në banesën e 58-vjeçarit, shërbimet e policisë gjetën një armë zjarri pistoletë, me një krehër me municion luftarak.
Ndaj të ndaluarit materialet iu referuan Prokurorisë së Shkodrës, për veprat penale “Kultivimi i bimëve narkotike” dhe “Mbajtja pa leje dhe prodhimi i armëve, armëve shpërthyese dhe i municionit”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
