Një efektiv i Gardës së Republikës që shërben si tek Komisioni i Pavarur i Kualifikimit “Veting”, është arrestuar mesnatën e djeshme nga punonjësit e policisë të komisariatit Nr.3 në Tiranë.
Efektivi, i identifikuar si Arsan Demaj, ka qenë në gjendje të dehur dhe nuk ka pranuar t'i qëndrojë një patrulle policore që ishte e pozicionuar në një postobllok në rrugët e Tiranës.
Demaj, ka kundërshtuar punonjësit e policisë dhe më pas është larguar me automjet.
Por pas ndjekjes është bërë neutralizimi i tij. Në momentin e ndalimit, mësohet se Arsan Demaj, ka kundërshtuar urdhrin e policisë për ta shoqëruar në polici, duke shfaqur dhe veprime të rezistencës fizike.
Më pas Demaj është shoqëruar në ambientet e komisariatit Nr.3 në Tiranë.
Mësohet se materialet hetimore do i kalojnë prokurorisë së Tiranës, për akuzën e “Drejtimit të mjetit në gjendje të dehur” dhe “Kundërshtimit të urdhrit të punonjësit të policisë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
