Ministri i Mbrojtjes, Pirro Vengu, ka reaguar lidhur me situatën e zjarreve që kanë përfshirë zonën e Fushë-Arrëzit, ku edhe gjatë ditës së sotme është vijuar me ndërhyrje për shuarjen e flakëve.
Sipas ministrit, ndërhyrja ajrore ka qenë vendimtare për vendosjen e situatës nën kontroll.
Ai ka vlerësuar lart bashkëpunimin mes forcave shqiptare dhe atyre nga Emiratet e Bashkuara Arabe.
Helikopterët e Forcës Ajrore dhe ata nga Emiratet e Bashkuara Arabe dominuan qiellin dhe ndihmuan forcat në tokë për të vendosur nën kontroll flakët.
Heronjtë e qiellit ulën ndjeshëm intensitetin e zjarreve, duke u ardhur në ndihmë banorëve dhe natyrës në zonën e veshur me kurorën e gjelbër.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
