Shërbimet e Policisë Kufitare në PKK Muriqan kanë arrestuar në dalje të territorit të Republikës së Shqipërisë një person të shpallur në kërkim ndërkombëtar, me qëllim ekstradimin drejt Kosovës.
Sipas njoftimit zyrtar, gjatë kontrolleve të shtuara dhe në bashkëpunim me Interpol Tiranën, është ndaluar shtetasi E. M., 23 vjeç, banues në Francë.
Ai ishte i shpallur në kërkim ndërkombëtar nga autoritetet kosovare për veprën penale “Prodhim dhe shitje të lëndëve narkotike”, e parashikuar nga Kodi Penal i Kosovës.
Interpol Tirana, në koordinim me autoritetet e Kosovës, pritet të vijojë procedurat për ekstradimin e 23-vjeçarit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
