Forcat RENEA kanë mundur të neutralizojnë 71-vjeçarin Edmond Naska në Korçë, i cili hapi zjarr nga dritarja e banesës së tij.
Në një raportim për edicionin e lajmeve në MCN TV gazetarja Sara Kovaçi bën me dije se i moshuari nuk njihej si person problematik, por kohët e fundit ishte shumë i izoluar.
"U ndërhy me forcë nga dera e apartamentit ku banonte i moshuari. Sipas drejtoreshës së Shëndetit Mendor të qarkut të Korçës, 71-vjeçari nuk është paraqitur asnjëherë për ndonjë ndihmë në lidhje me shëndetin mendor. Sipas Markeljan Dhimitrit, i cili është edhe fqinj i 71-vjeçarit, tha se ndodhej në banesë me bashkëshorten dhe fëmijët, ndërkohë që dëgjoi të shtënat me armë zjarri nga kati i parë. Ai tha se ishin trembur dhe kishin dalë menjëherë nga shtëpia me bashkëshorten dhe fëmijët. Ai tha se 71-vjeçari nuk njihej si person problematik dhe ishte i afërt me banorët e pallatit, por kohët e fundit ishte shumë i izoluar”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
